شويه خيال بس لذيذ...........

*********** شوية خيـــــال *******
انا راكبه اتوبيس .. الاتوبيس مليان ما شاء الله ..
الاتوبيس فيه سواق , و مساعد السواق او ( التباع ) , و فيه ركاب كتير ...
اصله اتوبيس كبير من بتاع الرحلات ده .. بس الحقيقة هو مش رايح رحلة ..
الاتوبيس رايح مشوار مهم ..
خلينى اكلمكم عن سواق الاتوبيس ...
اصله راجل مفتح اوى .. عارف سكته كويس .. ماسك الدركسيون بقوة , و متمكن من السواقة جداااا ... و علاقته بالركاب طيبة الى اقصى درجة .. و ده لانه حريص عليهم و على حياتهم من أى خطر .. لانه دايما صاحى للسواقين و العربيات اللى ماشية جنبه و هو سايق ..
اصل العربيات اللى حوليه دى أنواع .. فتلاقيه يتصاحب على سواقين العربيات الكويسين و ماشيين باحترامهم على الطريق ..
و تلاقيه يتفادى السواقين الهمج اللى بيمشو يخمسوا و يأمركوا و يكسروا عليه فى السكة , و ماشيين يضايقوا فى مخاليق ربنا و يعطلوهم عن مشاويرهم أو يعرضوا حياتهم للخطر ..
و ده حرصا منه على حماية كل ركابه اللى بيحبهم و بيحبوه و بيثقوا فيه ..
ده غير انه ساعات بيحميهم من انفسهم .. سواق شاطر بصحيييييح
و شاطر كمان لان المشوار اللى هو رايحه دايما شايفه قدام عينيه .. زى ما يكون صورة على زجاج الاتوبيس اللى هو سايقه ..
تعالوا بقى شوفوا مساعد السواق ..
ده بقى حكاية ... ده عبارة عن راجل حبوب و نشييييط اوى .. ده مش نشيط بس ده مبيهداش من أساسه ....
تلاقيه عمال يتنطط .. يقعد جنب السواق شوية , يشور عليه و ينصحه ..
تلاقيه يرجع يقعد مع الركاب .. يتكلم مع الراكب ده شوية و يهزر مع ده شوية ...
تلاقيه يلاغى السواقين اللى فى العربيات اللى ماشية حولينا ...
محبوب جدااا من الركاب كلها ..
و كل ده و هو برده عينيه على المشوار اللى الاتوبيس رايحه و واخدنا كلنا معاه ..
الركاب ...
الركاب زى ما بقولكوا كتير .. و بيزيدوا كمان ... اصل السواق كل ما يشوف حد نفسه يروح المشوار بتاعنا و عنده استعداد بيركبه معانا ..
طب الركاب قاعدة بتعمل ايه ؟!!!!
بيبصوا من الشباك يتفرجوا على العربيات و الشوارع اللى حواليهم ؟؟!!!!!
امال نايمييين لحد ما يوصلوا المشوار ؟؟؟!!!!
لاااااا و ألف لااااااا
الركاب قاعدين يفكروا و يخططوا ازاى يقدروا يوصلوا للمشوار بتاعهم .. و ده لان الاتوبيس مش ماشى على طول .. لاااااا .. الاتوبيس بيقف فى محطات عشان يقدر يكمل مشواره ...
الركاب كتييير و مقسمين نفسهم مجموعات .. بس بيجمعهم حاجتين مهمين
ايمانهم بأفكارهم
و حماسهم الشدييييييد .. و الثقة بالله و الامل
ساعة ما بيقف الاتوبيس فى محطة .. تلاقى الاتوبيس كللللله نزل عشان يشتغل و يساعد بأقصى جهده و باللى يقدر عليه .. لحد ما ينجزوا المهمة المطلوب تنفيذها فى المحطة دى على أكمل وجه ..
و بعد كده يركبوا الاتوبيس عشان يفكروا و يخططوا لمهمة المحطة اللى بعدها ..
و برررررده عينيهم على المشوار النهائى بتاعهم ..
احب اعرفكم على الناس دى
الركاب هم ....... أسرة الحياة
المشوار يا جماعة اللى الناس دى رايحاه :
مشوار فيه المسلمين متصدرين و متقدمين فى كل المجالات : هندسة , طب , زراعة , صناعة , تعليم , تكنولوجيا , أعلام .......
مشوار فيه الغرب و العالم كله بيدرس علوم المسلمين اللى بتترجم لكل لغات العالم ..
مشوار فيه العالم بيستورد صناعات المسلمين , و بيستورد محاصيل زراعية من المسلمين ..
مشوار اخره فيه عزة و كرامة للاسلام و المسلمين ..
مشوار فيه المسلمين أتقياء أقوياء " أعزة على الكفار رحماء بينهم "
<مشـــــــــــــــوار اسمه النهضــــــــــــــــــــــــــة>
اللهم أعزنا بالاسلام و أعز الأسلام بنا .