.
::
.
و أول ما يمشي الباص
ست سبع سيارات تلحقه
أحمر اخضر أصفر أزرق
و السيارة الوحده في عشر
وكل واحد يعطي رفيجته أحلى طاف
ويرقم البنات الباقين
:
هاذي المقدمة
كالعاده المدارس تسوي رحلات للطلاب
فأكيد قبل بيوم أو يومين يعلمونهم عشان يتزهبون
قبل
كانو يروحون يخمون الجمعيه
يشترون حلاو وكاكاو
والصبح ياخذون فلوس من أهلهم
لكن ألحين
البنت أول ماترد البيت
تكتب بمسنجرها
( ياصبيان بس ياصبيان عندنا رحله مو لحديقة الحيوان )
وبعدين تدز لهم بطايق دعوه فيها الزمان والمكان
:
هيه وناسه اليوم الرحله
خلص الطابور البنات السنعات يروحون الصف
والموسنعات ويهم والحمام (عزكم الله )
واخذ ياتلطخ بهالمكياج
وكل وحده تقول حمودي بيي والي عزوزها بيي
والي سوسو بيي
أموت وأعرف منو سوسو
شكله ترف أصلاً تدليعة شنو
سوسو عاد ويييييييييع
المهم
يصفونا ثنتين ثنتين
وودونا عند الباصات
وأول مايمشي
ماتشوفون الا أمة محمد ورانا
يبا خير شعندكم
مادري عبالهم بيونسيه معانا
والمشكله
البنات مافيهم حيا
هاذي تصارخ وتغني وهاذي ترقص
وهاذي تراكض رايحه راده لين تكفخ على ويها
مستشفى ميانين مو باص
المهم لبعدنا عن المناطق السكنيه
تبدا الوصاخه
الي تقط حجابها
والي تنفش شويشتها
والي تفتح زرارات قميصها لين حد المريول
عاد شوفوا لين يوصل << الله يستر علينا بس
و واحد اثنين ثلاثه
ينطون من الدريشه
كل وحده مطلعا راسها وتكلم رفيجها
ويقوم اهو يكش عليها ويروح يتعرف عالثانيه
عاد رفيج الثانيه يعصب
ويتعرفله على ثنتين
وهذه هي دورت الحياة
المشكلة الأبلاة يسكتون
ولما انقرب من المدرسة
يقولون : يلا بنات بنوصل مسحو المكياج وتعدلو << يعني تسترو
ويدخلون المدرسة ماجنهم مسوين شي
ألحين انتي يابنت يا شريفه ماتخافين من ربج الي يشوفج قاعده تفصخين بالباص
ماخفتي واحد من أهلج يشوفج ما خفتي من هاللي عازمته لا يصورج وانتي ترقصين في الباص
ماخفتي على سمعتج بين البنات أسهل مافيها كل وحده ترد بيتها وتقول فلانه فلان الفلاني سوت كيت وكيت
اذا انتي مو حاطه اعتبار حق كل هذا موتج أبرك
يهمني أعرف رايكم
.
::
.
